Basado sa ipiandarang mensahe kan bise presidente, mahigot kaining kinondenar an nangyayaring cyber bullying sa ciudad na nag-ugat suboot sa planong panraraot sa saiya asin sa saiyang pamilya.
Kinakaipuhan man suboot na magtenir na pusog asin dae magpaapektar sa mga nagruruluwasang mga negatibong pahayag hale sa social media site na facebook an mga Nagueño.
Tinawan doon ni Vice President Robredo na kinakaipuhang magtenir na magayon asin an maugmang lugar an nasambitang ciudad.
Ini an kasimbagan ni Robredo sa nagkapirang nagruruluwasang mga pahayag sa social media kun saen nadamay na an pangaran kan saiyang depuntong esposo na si dating Department of Interior and Local Government (DILG) Sec. Jesse Robredo, si Naga City First Lady Farrah Bongat siring man an nagkapirang mga hararani niyang amigo asin mga taga-suporta.
