Kinumpirmar ni Bise Presidente Sara Duterte na nagduman ini sa Calaguas Island, Camarines Norte kan nakalihis na Lunes, Setyembre 23, 2024.
Sa press conference kasuudma, inihayag ni Duterte na nagbisita ini sa naunambitang lugar tangani na hilingon an kamugtakan kan mga residente.
Obheto man kan saindang opisina na maaraman an mga problemang kinakahampang ninda.
Sigun sa bise presidente, kabali sa mga agrangay na ipinaabot sa sainda iyo an mga problema sa medical facilities, internet access, kawaran nin kuryente asin malinig na inumon na tubig.
Tinawan man nin punto ni Duterte na kan pagkaaga na ini naghale sa Calaguas Island kan oras na idto, dae suboot nin pagkundusir nin pagdangong sa Kamara.
Dugang pa kaini, mayo pang hearing pag alas-6 nin aga.
Base sa report kan Vinzonz PNP, poco mas o menos alas 6:28 nin aga kan Lunes, naghale an grupo ni Duterte sa Calaguas Island asin nag-abot sa Vinzons kan parehong oras kun sain nakatalaan an hearing para sa opisina kan bise presidente.
