Pig-anunsiyo ni Vice President Sara Duterte na madalagan ini komo Presidente kan Pilipinas sa maabot na eleksiyon. Sa saiyang pahayag, sinaysay kaini na pig-aalay kaini an saiyang sadiri, kusog, asin futuro sa pagserbi sa nasyon.
An anunsiyo, iniluwas sa tahaw kan mga kontrobersiya, kaibahan an tolong impeachment complaints na nakasunad kontra sa saiya sa House of Representatives, na kontrolado kan mga kaalyado ni Presidente Ferdinand Marcos Jr.
Kasuarin sana, piglunsar sa Cebu an “Tatay Digong for Inday Sara Movement 2028”, na obhetong ipahiling an suporta sa saiyang kandidatura asin pagpupugay sa pamamayo kan saiyang ama na si dating Presidente Rodrigo Duterte.
Sa ibong kan mga huma, nagtitinir na halangkaw an pangaran ni Duterte sa mga survey komo saro sa mga frontrunners para sa eleksiyon.
An saiyang kandidatura an piglalaomang madara nin matinding laban sa politika, orog na sa tahaw kan mga kasong pigkakahampang kan saiyang ama sa International Criminal Court (ICC).
