Pigsierto kan legal team ni Vice President Sara Duterte na ibubunyag ninda an tunay na pagkatawo kan kontrobersiyal na si ‘Mary Grace Piattos’, enkaso dagusang maggulong an impeachment trial sa Senado kontra sa Bise Presidente.
Sa sarong media interview, sinaysay ni Atty. Michael Poa, tagapagtaram kan defense team ni VP Sara, na haloy na nindang pigsasabi na sisimbagon sana ninda an mga paratang kontra sa Bise Presidente sa tamang forum, siring kan impeachment trial.
Liwat man na ipinaliwanag ni Poa na karaniwan nang dae isinasapubliko an mga detalye dapit sa confidential funds tanganing dae mabugtak sa alanganin an mga sensitibong operasyon kan gobyerno.
Siring man, pwede soboot ninda ining ilantad kun isasagibo ini sa sarong impeachment trial.
Pigsierto man ni Poa na pinagpeprepararan na man ninda an posibleng paggulong kan nasambitan ng pagdangog.
Pagsierto pa man kaini, na sisimbagon ninda an gabos kan akusasyon kontra sa Bise Presidente tanganing patunayang mayong basehan an mga batikos kontra sa saiya.
