Nanindugan si Vice President Sara Duterte na an mga panibagong kaso kan plunder asin iba pang laban sa saiya asin sa saiyang opisina na pigsunad kontra sa saiya sa sa Office of the Ombudsman an saro sanang ‘fishing expedition’ tanganing takupan an mga presenteng imbestigasyon.
Sa sarong pahayag, inihayag ni VP Sara na ini an saindang piglunsar sa ngunyan tanganing gamiton an anuman na paratang na pwede nindang magamit tanganing takupan an presenteng ulayan kan korapsiyon sa nasyon.
Makalihis kaini, pig-enkaminar man kan Bise Presidente an publiko na magin mapanuri asin dae man soboot tulos magpadara sa mga pangraraot na piggagapo sa saiya.
Dugang pa ni VP Sara, bako na soboot ining dapit sa paghahanap nin katotoohan asin dapit na sana sa pagtatakop sa nagin mahewasang panghahabon sa kaban ng bayan kun saen pigtawan-duon man kan Bise na hasta sa ngunyan, mayo pa man napapanimbag sa ley dapit sa mga anomalyang ini.
Mientrastanto, marurumduman man na naisunad an kasong plunder asin graft complaints kontra sa panduwang presidente asin sa 15 iba dara pa man sa soboot misuse kan pondo na P612.5 milyong kantidad kan confidential funds.
