Imbes na mag-atubang sa mga mambabatas, mas pinili ni Bise Presidente Sara Duterte na dai mag-atendir sa enot na hearing kan House Committee on Justice kan Miyerkules manungod sa impeachment complaints kontra saiya.
Nanindugan an bise presidente na mas gugustohon niyang magtutok sa pagtabang sa mga namamanwaan na apektado kan padagos na paglangkaw kan presyo kan mga produktong petrolyo, imbes na magpartisipar sa inaapod niyang ikatolong fishing expedition kan Kamara.
Sa saiyang opisyal na pahayag, tinawan nin duon ni Duterte na mayo nin existing rule na naghahagad sa sarong respondent na pisikal na mag-atender sa mga hearing.
Inakusaran man niya an komite na ginagamit sana an imbitasyon para sa politikal na mga katuyuhan.
Kasabay kan saiyang kawaran, prangkang sinabi ni Duterte na dapat na ibasura kan komite an mga reklamo kontra saiya huli sa kawaran nin supisyenteng basehan.
Segun sa bise presidente, nagsumiter nin opisyal na simbag an saiyang kampo kan Marso 16.
Magigiromdoman na nag-abante an proseso kan komite makalihis na pormal na ideklarar kan Marso 4 na supisyente sa porma, sustansya, asin basehan an duwang reklamo kontra ki Duterte.
