Nagpahayag nin pagtutol si Vice President Sara Duterte sa talamak na online gambling.
Sigun sa bise presidente, dae ini uyon sa gabos nin klase kan pagsusugal online nin huli ta dae soboot nakokontrol kan mga magurang an saindang mga aki sa internet.
Dugang ni VP Sara, huli sa online gambling marikas na nauubos an kwarta kan mga Pilipino ain man kadalasan pang napupuli sa pagkabaon sa utang.
Kumporme man an Bise Presidente sa regulated gambling kun saen dae basta-basta makapagsusugal an dawa na siisay.
Alagad kun ibubugtak man ini online asin mawawara na an kontrol kun siisay an pwedeng magbukas nin account tangani magsugal, dae na soboot ini pabor igde.
Dugang pa kaini, an siring na klase kan sugal an nagigin dalan tangani man malubog sa utang an mga pamilya asin mawaran nin direksyon an futuro kan mga kajovenan.
Enot nang nagsunad nin propwestong ley an nagkapirang lehislador tangani dagusan nang ipagbawal an online gambling sa Pilipinas.
