NAGA CITY – Tinawan-duon ni Vice President Sara Duterte na ngunyan na Pride Month importante na dapat magtabangan an mga Pilipino para makakrear nin kapalibotan na salbado sa kada jovenes, asin bilog na pusong mabisto sa pagsabat sa pagselebrar kan Pride Month kan LGBTQIA+.
An Pride Month an naglilingkod komo pagirumdom na mas lamang an pag-kamoot kesa sa anggot, diskriminasyon sa sarong sektor na kaidto an pighuhusgahan, pig-aapi, sigun ki Duterte.
Dugang pa kaini, ini an sarong trayumpo para sa gabos, sarong kinaban kun saen gabos an pigtatawan nin importansya, pig-aako asin empowered. Enot nang naireport na sigun sa organizer nasa 200,000 indibidwal an nag-atendir sa Pride PH Festival 2024 sa Quezon City kan Sabado.
Kada Hunyo pigseselebrar sa kadakol na parte kan kinaban an Pride Month komo pagbisto sa 1969 Stonewall Uprising sa Manhattan, na nagtulak sa Gay Liberation Movement sa Estados Unidos.
