Dae aram ni Vice President Sara Duterte an mga direktiba ni Presidente Ferdinand Marcos Jr. huli ta dae ini tatao magdangog asin perming naghihiro para sa pansadiring interes.
Bwelta ini kan palasyo sa pahayag ni VP Sara na mayong direksyon an administrasyon asin dae man talaga nagtatarabaho si Presidente Marcos.
Sigun ki Castro, ini mismo an nagigin problema sa pag-ultanan kan palasyo asin kan bise presidente huli ta dae ini tugma sa mga direktiba kan presidente.
Dae man soboot kasuguan kan presidente an mga nagin proyekto ni VP Sara mantang pinangengenutan pa kaini an Department of Education (DepEd).
Kaiba digdi an isyung P100 milyong “ghost students” asin an P5.69-bilyong feeding program na pig-report kan Commission on Audit (COA), na nagresulta soboot sa pag-distribute kan lapa asin igwang amag na pagkakan sa mga estudyante.
