Nakapagbulsa si Andrew Wiggins nin 30 points asin nakahugot an Golden State Warriors nin sarong knockout round spot sa NBA Cup gikan sa 112-108 gana sa Pelicans.
Nag-iskor si Stephen Curry nin 19 markers para sa Golden State (12-3) na igwang 3-0 record sa West Group C.
Nailaog man ni Buddy Hield an duwang free free throws sa huring 18.5 segundo tanganing makukua kan visiting team an sarong wild card kun dae magigin group winner.
Pinamayuhan ni Trey Murphy III an New Orleans (4-13) sa saiyang 24 points alagad nagmintis an sarong 3-pointer sa natatadang limang segundo.
Sa Washington, naggibo si Jaylen Brown nin 31 points sa 108-96 paggaba kan nagdedepensang Boston Celtics (13-3) sa wizard (2-12).
Sa Milwaukee, naghakot man si Giannis Antetokounmpo nin 37 ponts, 11 assists asin 10 rebounds sa saiyang panduwang triple-double sa huring apat na kawat tanganing giyahan an Bucks (7-9) sa 129-117 sa Indiana Pacers (6-10).
Sa Chicago, nag-ambag man si Zach LaVine nin 26 points sa 136-122 dominasyon kan Bulls (7-10) sa Atanta Hawks (7-10). Sa Houston, nakapagrehistro si Dillon Brooks nin season-high 28 points sa 116-88 pagpapasabog kan Rockets (12-5) sa Portland Trail Blazers (6-10).
