Aram baya nindo mga ka-bombo, sarong volunteer sa Michigan library an nakakua nin wedding photo gikan sa taong 1950s sa sarong libro.
An nasambitan ng pasilidad, ibinalik an ladawan sa apo kan may-sadiri kan wedding photo.
Sa social media post kan Sterling Heights Public Library, saindang pigsaysay na an ladawan na ini an igwang nakasurat na Frank and Josephine Ruggirello.
Katakod kaini, saro sa mga amiga ni Sarah Ruggirello pig-tagged ini sa nasambitan ng post makalihis na marekognisar an saiyang apelyido.
Digde na pigkumpirmar ni Sarah na saiyang Lolo asin Lola an yaon sa nasambitan ng ladawan asin kua ini sa saindang kasal kan taong Sept. 26, 1953.
Pig-istorya man ni Sarah na si Frank Ruggirello an binawian nin buhay kan 2020 mantang si Josephine an binawian nin buhay kan taong 2023.
An duwa an kasal sa laog nin haros 67 na taon na maikokonsederar na panalmingan kan kadakol na mag-agom sa presente.
Sa ngunyan, pigsaysay ni Sarah na an ladawan an maserbeng yaman kan saindang pamilya.
