Aram baya nindo mga ka-bombo, an kakaibang harong sa Illinois na pig-apod na pie house huli sa saiyang wedge shape an naipabakal sa kantedad na $350,000 sa halipot na panahon kan ini an ibugtak sa merkado.
An harong sa Deerfield, sa Norteng suburb kan Chicago, an pigpatindog kan nakalihis na 2003 na tolos man nakaguno nin manlaen-laen na reaksyon sa mga pagtaraid kaini huli sa kakaibang itsura.
An nasambitan pa na pie house an igwang sukol na 1,600 square feet. Igwa ining duwang kwarto, saro sa taas mantang an saro man yaon sa basement, siringman igwang 2 1/2 na banyo, sarong paver brick walkway, storage shed asin parking pad na kayang i-akomodar an apat na behikulo.
Apwera digde, an harong man iwgang set kan bagong stainless steel kitchen appliances na mas orog pang nagpagayon sa istruktura kaini na nagin rason tanganing magin local pride kan mga tawo sa lugar na nanudan na i-apresyar an kakaibang harong.
Susog sa report, dati naman naipabakal an harong sa $300,000 kan 2004, $284,500 kan 2007, $260,000 kan 2020 asin $295,000 kan 2021.
Na-featured naman an pie house sa sarong showk kan taong 2020 sa kasagsagan kan pandemya.
Sa ngunyan, pigbisto komo local architectural gem an harong sa Deerfield Village.
