Nakabalik na an sports na weightlifting sa Palarong Pambansa.
Sigun ki Samahang Weightlifting ng Pilipinas president Monico Puentevella, na nagin magayon an resulta kan saindang pakikipag-ulay nin labi 15 taon tanganing maibali an nasambitan ng sports sa Palarong Pambansa na ikukundusir sa Mayo 24 hasta Hunyo 2 sa Laoag, Ilocos Norte.
Dugang pa kaini na nagtabang man si Olympic gold medalist Hidilyn Diaz Naranjo tanganing maibwelta an nasambitan ng sport.
Naglalaom man ini na sa masunod man an Commission on Higher Education tanganing makahanap an nasyon nin pambato sa mga international sporting events.
Pinasalamatan ni Puentevilla si Department of Education Secretary Sonny Angara huli sa pagbali kaini.
Enkaso makakatabang an mga local government unit na makabakal nin mga equipment, masisierto kaini na kadakol na nin medalya an maibubulsa kan Pilipinas sa Olympics.
