Kasunod kan makusog na linog na nagtama sa Myanmar, na labi na nakaapektar sa mga serbisyong pangsalud asin nabugtak an mga rinibong tao sa peligro kan matinding danyos asin sakit, pigkakapos nin medical aid an mga biktima kan trahedya.
Tulos nang nagsimbag an World Health Organization (WHO) sa pinakahalangkaw na antas, kun saen nagpadara nin haros tulong toneladang kagamitang medikal sa laog nin 24 oras asin nagko-coordinate sa Global Emergency Medical Teams.
Nangangaipuhan an WHO nin US$ 8 milyon o katampad kan haros kabangang bilyong piso tangani makapagtao nin pangenot na lunas, malikayan an pagkuriyat kan helang, asin man maibalik an mga serbisyong pangsalud sa laog sana nin 30 aldaw.
An suporta kan mga donor ay importante tangani maisalbar an buhay asin maitao an kinakaipuhang tabang sa mga pinaka-apektado.
Pig inkaminar kan WHO an gabos na magtabang ngunyan tangani mamantinir an marahay na salud, makalikay sa mga outbreak, asin siertuhon na maaabot an mga nangangaipuhan.
