Kasabay kan World Malaria Day, nangapudan an World Health Organization (WHO) na pakusugon an mga lakdang gikan man sa pandaigdigang panundunan hasta sa aksyon kan komunidad tangani maarikas an pagpura sa malaria.
Magpuon kan taong 2000, poco mas o menos 13 milyong buhay an naisalbar asin man duwang bilyong kaso kan malaria an napugulan huli sa pandaigdigang pagkasararo.
Nasa 45 nasyon asin sarong teritoryo na an kinokonsiderar na malaria-free kan WHO, alagad 600,000 na buhay an nawara sa malaria kan nakalihis na taong 2023, kadaklan iyo an sa Africa.
An mahewasang rollout kan mga bakuna kontra sa malaria asin man insecticide-treated nets sa Africa an pinaglalaomang maisasalbar an rinibong mga aki taon-taon.
Siringpaman, padagos na huma an naglalalang drug resistance, maluyang sistema kan salud, asin mga salik siring kan climate change, conflict, asin katiosan.
An tema kan World Malaria Day 2025 na “Malaria Ends With Us: Reinvest, Reimagine, Reignite” ay nangapudan para sa mas matibay na promisa sa pinansyal asin man innovations tangani mawakasan an nasambitan ng helang.
