Iniluwas na kan FIFA an mga pangaran kan mga parakawat na masabak sa kaenut-enuting FIFA Women’s Futsal World Cup na an host an Pilipinas.
Nangengenot digde an mga World Cup players kan nasyon na sinda Jaclyn Sawicki, Katrina Guillou asin Isabella Flanigan.
An tulo an nagin parte na kan Philippine Women’s National Football Team kan magsabak sinda sa 2023 FIFA Women’s World Cup.
Sinda ngunyan an mangengenot sa Filipina5 sa irarom ni coach Rafael Merino.
Kabali man sa listahan iyo sinda Lanie Ortillo, Isabella Bandoja, Rocelle Mendaño , Samantha Hughes, Kayla Santiago, Cathrine Graversen ,Judy Connolly, asin Regine Rebosora.
Nasa Group A an World number 63 na Pilipinas kun saen kahanay ninda an world number 14 na Poland, number 31 na Morocco asin number 6 na Argentina.
Mapuon an torneo sa Nobyembre 21 hasta Disyembre 7 sa Philsport Arena sa Pasig City.
