Dapat munang makakua nin Working Child Permit an employer, magurang, o guardian kan aking edad 15 pababa bago ini tugutan na magtrabaho sa public entertainment o sa manlain lain na porma kan media.
Ini an nakasurat sa bagong patakaran na ipinaluwas kan Department of Labor and Employment o DOLE, partikular sa Labor Advisory No. 12, Series of 2026, manungod sa pagtao nin work permit sa mga kaakian na magtatrabaho sa naturang industriya. Apwera kaini, dapat man makakua nin Working Child Permit kun an aki maapod o maife-feature sa online content asin sa mga digital platform.
Sakop kan naturang panuntunan an pagtrabaho kan mga aking edad 15 pababa sa social media, vlogs, digital advertisements, web series, podcasts, streaming platforms, pelikula, teatro, radyo, asin iba pang porma kan media.
Segun sa DOLE, an panuntunan pinapautob tanganing masiguro an kapakanan, seguridad, asin proteksiyon kan mga aking nagpa-partisipar sa naturang industriya, kasunod kan mga ipinapautob na batas asin regulasyon.
