Nangapodan si Parañaque 2nd District Rep. Brian Raymund Yamsuan sa tulos na pagpapautob kan science-based hazard mitigation measures tanganing mas maprotehiran an mga komunidad sa hampang kan nagdadakol na kalamidad.
Sigun ki Yamsuan, kaipuhan an regular na pag-update kan hazard maps gamit an makabagong teknolohiya, pagpapatindog kan tamang imprastraktura, asin paggamit kan nature-based solutions.
Pigtawan-duon kan Kongresista na an matinding danyos dara kan bagyong Uwan asin Tino asin mga linog sa Visayas asin Mindanao an nagpapahiling kan kakulangan sa presenteng pagpepreparar kan nasyon.
Pigbubusol ni Yamsuan an House Bill 4305 o Multi-Hazard Mapping Act tanganing gibuhong institusyonal an paggibo asin pag-update kan hazard maps, na pangengenotan kan DENR asin iba pang ahensiya kaibahan an LGUs.
Nakabase an prosopwesto sa Project NOAH na naggagamit nin LiDAR tanganing aramon an danger zone asin flood paths.
Sinaysay ni Yamsuan na makakatabang an updated hazard maps sa pagdedesisyon kun saen salbadong magtindog nin imprastraktura, paharong, asin evacuation centes asin kun nuarin dapat isagibo an mga lakdang siring kan mangrove planting asin erosion control.
Pigtawan-duon pa kaining nagtitinir na pinakadelikadong nasyon an Pilipinas sa World Risk Index 2025 at binanggit an Japan komo modelong nasyon sa epektibong disaster risk reduction.
