Napapanahon na soboot tanganing mapadarhan nin contempt order o ipaarestrar an pirang personalidad na padagos na dae nag-aatender sa pagdangog kan Senate Blue Ribbon Committee.
Ini an kasunod kan pirang beses na pag-imbitar sa sainda alagad nagtitinir pa man an saindang pag-atender huli sa manlaen-laen na rason kabali na an posibleng pagtatago katakod kan kaso.
Kabali digde an dating House Appropriations Committee chair na si Zaldy Co, asin iba pang high-profile personalities na imbwelto sa flood control scandal.
Sigun ki Senate Blue Ribbon Committee Chairman Ping Lacson, kinakaipuhan munang magkaigwa nin pormal na pagdangog an komite antes maipautob an contempt order kontra sa sainda.
Katwiran kan batikang senador, dapat magin patas an pagbabalyo kan contempt order sa gabos kan pig-iimbitaran na resource persons.
Bako soboot makatarungan na an mga naenot na nag-atender siring kan contractor na si Curlee Discaya an tolos na pinatawan nin contempt mantang pigpapabayaan sana kan iba na ipasipara an pag-imbitar kan Senado.
Sa presente, mayo pang pigtalaan na petsa kun nuarin liwat na magsasagibo nin pagdangog an nasambitan ng komite.
