Inilahad ni dating House Appropriations Chair Zaldy Co ki Presidente Ferdinand Marcos Jr., an soboot seryekan dakulang tapyas sa 2025 national budget na haros P110 bilyon na ipinagsugo soboot ni dating Senate President Francis “Chiz” Escudero sa bicameral conference committee.
Ini an nakapalaog sa surat ni Co ki Presidente Marcos. Sigun ki Co, pighurot soboot ni Escudero an paghali kan P74 bilyong subsidy para sa Philhealth, P10 bilyon gikan sa DepEd computerization program, asin P1.692 bilyon para sa bagong posisyon kan mga paratukdo na malimitar sa kakayanan kan gobyerno na mag-hire nin 20,000 teachers.
Tinapyas man soboot an P10 bilyon para sa fertilizer vouchers kan Department of Agriculture asin P13. 9 bilyon para sa flagship infrastructure projects, kaibahan an pondo para sa pagpapakarhay kan mga tinampong nagkokonektar sa Batangas asin Quezon.
Sinaysay ni Co na an mga tapyas an dara kan pagmamawot kan Senado kan P200 bilyon pondo para sa sadiri kaining prayoridad.
Pigtawan-duon ni Co, bako an Mababang Kapulungan an nagpuon kan mga kontrobersyal na realignment asin dapat maaraman kan publiko kun sean nagpuon an mga pagbabawas.
Sigun sa dating chairman kan Houses Appropriations Committee na ‘deserved’ kan publiko na maaraman kun saen nagpuon an budget cuts asin kun anong sektor an tinapyasan.
