NAGA CITY– Gadan an saro katao mantang iridu an duwang iba pa sa nangyaring aksidente sa Brgy. San Vicente, Baao, Camarines Sur.
Sa entrevista kan Bombo Radyo Naga ki PSMS Marvin Sanchez, tagapagtaram kan Baao-PNP, sinaysay kaini na mantang pigbabagtas kan motorsiklong minamaneho ni Adrian Dato, 30-anyos an tinampo sa nasambitan ng lugar kan mahagop kaini an mga biktimang sinda Alicia Buena, 79-anyos asin sarong 13-anyos na daragita.
Katakod kaini, nagsapo nin lugad sa lawas an duwang biktima asin an driver kan motorsiklo na tulos man na idinalagan sa ospital alagad pigdeklarar nang dead on arrival si Buena.
Sa ngunian pighahalat na sana soboot kan kapulisan an pamilya kan mga biktima kung masunad nin kaso kontra sa suspek.
