Gadan ang sarong 66-anyos na Chainsaw Operator makalihis gilitan an liog sa Lupi, Camarines Sur.
Sa intrevista kan Bombo Radyo Naga ki PCPT. Jerome Despuig, Acting Chief of Police, Lupi Municipal Police Station sinabi kaini na an biktima sarong rebel returnee. Dugang pa kaini, segun sa aki kan biktima, nabisto kaini an saro sa mga suspek sa paggadan sa saiyang ama.
Segun ki Despuig, nangyari an insidente bandang alas otso nin aga kan Abril 19, 2026, sa Gadan.
Segun sa pahayag kan menor de edad na aki kan biktima, mantang nagpuputol sinda nin kahoy gamit an chainsaw, nag-abot an duwang lalaking armado. Pinaluhod an biktima asin tinutukan nin badil antes ini ginadan. Pinahali man kan mga suspek an aki na nagin dalan tanganing makapagsumbong ini sa kapulisan.
Poco mas o menos limang kilometro an layo kan pinangyarihan kan krimen hale sa hepatura kan pulisya.
Pagkatapos kan insidente, an kalive-in asin an aki kan biktima an nagreport sa Lupi Municipal Police Station.
Sa ngunyan, padagos pa an imbestigasyon kan mg awtoridad. Nangapudan man an kapulisan sa publiko na kun siisay man an may impormasyon manungod sa krimen, magreport sa pulisya tanganing mapadali an imbestigasyon asin makamtan an hustisya para sa biktima
