Irido an komedyanteng si Wally Bayola kan mawaran nin kontrol sa minamanehong behikulo bandang alas dos y medya nin pagkahapon Marso 29, 2026 sa Zone 4 Brgy. Bel-Cruz Lupi Camsur.
Sa intrevista kan Bombo Radyo Naga ki PCpt. Jerome Despuig,- hepe kan Lupi Municipal Police Station, nawaran kontrol an aktor sa minamaneho kaining motorsiklo kan maagihan kaini an kurbada asin malubak na parte kan tinampo dangan mahulog sa minamanehong motorsiklo.
Nagsapo nin injury sa payo, daghan, toong parte kan abaga asin toong parte kan saiyang bitis an biktima. Tulos man na dinara sa ospital an biktima para sa asistensya medikal.
Apat na iribanan an biktima pasiring sa Syudad nin Naga. Sigon sa opisyal, kinukunsiderar na accident prone area an lugar kaya kaipuhan maglikay kan mga byahero.
Magigirumduman na an banwaan nin Lupi, saro sa mga binisita ni DPWH Sec. Vince Dizon tanganing aksyunan an lubak-lubak na tinampo sa lugar. Paabiso na sana kan opisyal sa mga byahero na obserbaran an mga warning signs asin magsulot nin safety gear para sa saindang kaligtasan.
