Dugang 117 Overseas Filipino Workers (OFWs) an ligtas nang nakapuli sa Pilipinas hali sa Saudi Arabia.
Ini huli sa serye nin mga pag-atake na nangyayari sa nasabing nasyon.
Susog sa Department of Migrant Workers (DMW), nag-abot an mga OFWs sa Ninoy Aquino International Airport (NAIA) Terminal 3 kan Domingo, Oktubre 25, sa tabang kan DMW asin Overseas Workers Welfare Administration (OWWA).
An pagpapuli sa sainda parte kan ‘Saving Lives’ component kan Unified Package for Livelihoods, Industry, Food, Transport (UPLIFT) initiative kan gobyerno, susog sa direktiba ni Presidente Ferdinand R. Marcos Jr.
Tinawan man sinda nin tabang medikal asin pinansyal, kaiba an temporaryong istaran asin transportasyon pasiring sa saindang mga probinsya.
Sa kabilugan, nag-abot na sa 383 OFWs, kaiba an saindang mga dependent, an napapuli sa nasyon poon Oktubre 19 sagkod Oktubre 25.
Mientrastanto, laoman man an pag-abot kan dugang na 39 OFWs hali sa Saudi Arabia sa Lunes nin banggi, Oktubre 26
