Gadan an 16 anyos na babae makalihis ining tilukon kan saiyang bilas sa banwaan nin Minalabac Camsur.
Sa intrevista kan Bombo Radyo Naga ki PCpt. Beverly Monte, an Acting Chief of Police kan Minalabac Municipal Police Station, alas singko nin aga kasuudma Setyembre 29, 2026 kan makaresiber nin apod an hepatura kan Minalabac manungod sa insidente sa Sitio Alvarez Brgy. Taririk Minalabac Camsur.
Sa inisyal na imbestigasyon kan mga otoridad, an dai pagtubod kan biktima sa mga sugo kaini sa laog kan harong an kawsa kan pagtilok digdi kan suspek.
Sararo sana sa laog kan harong an biktima na pamilyado naman sa ibong kan saiyang edad asin an pamilya kan suspek.
Dagdag pa kan opisyal, base sa testimonya kan suspek, napano na ini huli ta dai ini nagtutubod sa saiyang mga sugo kun saen dara kan init kan payo, natilok kaini an biktima na naging rason kan saiyang kagadanan.
Mientrastanto,nahahampang ngunian sa kasong murder an suspek na sa presente nasa kustudiya na kan Minalabac MPS.
