Inaprubahan na sa ikatulong asin huring pagbasa an sarong panukalang batas na nagmamawot na higpitan an paggamit kan social media kan mga menor de edad.
Nakakua nin 287 na pabor na boto, tolo an kumontra, asin mayong nag-abstain sa pagpasa kan House Bill 11566, o an panukalang Safe and Friendly Environment for Kids in Digital Spaces (Safe Acts) Act.
An panukalang batas naglalaog nin minimum age requirement para sa social media asin nagkapirang digital platform, na nagbabawal sa mga aki na 13 anyos paibaba na maghimo nin accounts.
Nakasaad man sa panukalang batas na papayagan an mga may edad 13 sagkod 18 na gumamit nin digital platforms, alagad may mga restriksyon laban sa mga mapanakit asin ipinagbabawal na contents, behavioral profiling, unnecessary collection o pagwaras nin personal information, pagbakal, asin mga aktibidad na kaagid kan pagsusugal.
Kaiba man sa panukalang batas an pagtogdas nin Office for Children’s Social Media and Digital Safety sa irarom kan Department of Information and Communications Technology, na magmamato kan pagsunod sa nasabing ley, magsasagibo nin technical assessments, preliminary investigations, asin makikipag-koordinar sa mga ahensya kan gobyerno.
Inaatasan man kan nasabing panukalang batas an National Telecommunications Commission na ipatupad ini.
Magigirumduman na kan nakaaging semana, inaprubahan man kan Senado an sarong panukalang batas na naghihigpit sa paggamit kan social media kan mga menor de edad.
