NAGA CITY– Nagpapadagos ngunian an retrieval operation kan mga otoridad para mahanap an lawas kan sarong 17-anyos na binatilyo na pigtutubudang nalamos sa salog kan purbaran kaining isalbar an ataman na karabaw sa Barangay Caputatan, Caramoan, Camarines Sur.
Sa entrevista kan Bombo Radyo Naga ki SPO2 Francis Gavarra, imbestigador kan nasambitan ng kaso, sinaysay kaini na pinurbaran kuta na kan biktima na isalbar an saiyang karabaw na nalalamos soboot sa salog sa nasambitan ng lugar.
Bigla na sana soboot ining nagtagbang sa tubig para kuanon an nasambitan ng hayop alagad dae na naglataw pa
Sigon pa ki Gavarra, dakula an posibilidad na binawian na nin buhay an biktima na napag-aramang nasa irarom kan impluwensya nin arak kan mangyari an insidente.
Napag-araman na halangkaw an lebel kan tubig sa nasambitan ng salog makalihis an nagkapirang aldaw na pag-uuran.
