Pigbuyagyag ni Agriculture Secretary Francisco Tiu Laurel, Jr., na igwa nin 17 monolithic dome cold storage facilities na pigtugdok kan nakalihis na taong 2022 na substandard asin dae pigtugutang gamiton huli sa depektibong disenyo.
An mga pasilidad, na pigtugdok sa irarom kan nakalihis na administrasyon kan DA, an dae kayang mamantinir na sariwa an mga gulay asin prutas, dugang pa kan sekretaryo.
Saro sa mga dae nagagamit na pasilidad an manunutaran sa Cagayan de Oro City Engineering Office sa Barangay Kauswagan. An kada pasilidad an pigkakarkulong nagkakantidad nin P20 milyon.
Sinaysay ni Laurel na pinag-aadalan pa kan DA an mga posibleng solusyon tangani na magin functional an mga ini, alagad pwedeng mas mahal an gastos sa pagpakarhay asin dae kaini pinabayadan an kontratista para sa substandard na konstruksyon.
