Pigsairarom na sa pangangataman kan City Social Welfare and Development Office (CSWD) an duwang Grade 9 na estudyante kan Basilan National High School makalihis mambugbog nin sarong Grade 10 na kamag-aral sa laog kan eskwelahan sa Isabela City, Basilan kan Hunyo 25, 2025.
Marurumdoman, naglakop online an video kan insidente, kun saen mahihiling na pigbugbog kan duwang estudyante an 15-anyos na biktima.
Sigun sa pulisya, pinirit soboot kan mga suspek an biktima na gibuhon an sarong bagay na balgar sa saiyang boot, siring kan paninigarilyo.
Kakasuhan sinda sa irarom kan Anti-Bullying Act katakod sa Juvenile Justice and Welfare Act huli ta pigkokonsiderar sinda komo minors.
Sa naging pahayag man kan principal kan eskwelahan, sinabi kaining posibleng “katuwaan” sana an motibo sa pangungulog.
Mientrastanto, dinara man an biktima sa ospital huli sa pagkahilo asin pagsusuka, antes pig-lipat sa Zamboanga City para sa mas marhay na bulongan.
Sa presente, pinakusog na kan mga otoridad an pagbabantay sa eskwelahan asin pinaandar naman an mga CCTV para sa seguridad kan mga estudyante.
