NAGA CITY– Gadan an duwang persona sa salpukan nin tricyle asin van sa Barangay Danlagan, Lopez, Quezon.
Binisto an mga nagadan na sinda Jimboy De Castro Gonzales, 23 anyos asin Salioman Saladas, 49 anyos.
Sa entrevista Bombo Radyo Naga ki PMsgt Roman Edora, imbestigador kan Lopez-PNP, sinaysay kaining habang binabaybay kan driver kan van na si
Neil Romano Basilla an nasambitang lugar haleng Bicol asin pasiring kuta na sa Maynila kan aksidente ining nabudalan an tricycle kun sain lunad an mga biktimana pag abot sa intersection.
Katakod kaini, nagsapo nin lugad sa manlaen-laeng parte kan saindang lawas an mga biktima na tulos man na ipigdalagan sa ospital alagad binawian man sana nin buhay.
Sa ngonian, nasa kustodiya na kan mga otoridad ang driver kan van para sa maninigong disposisyon.
