Tinawan nin pardon kan United Arab Emirates (UAE) government an nasa 220 Filipinos na nakakulong sa nasambitan ng nasyon. An pardon ginibo kasabay kan pagkomemorar sa ika-53rd National Day kan UAE asin an ginibong representasyon ni Presidente Ferdinand marcos Jr asin kan saiyang counterpart.
Tradisyon na man kaya kan liderato kan UAE na magtao nin pardon katakod kan saindang pagselebrar sa national day.
Pig-anunsyar kan UAE government an pagtatao nin pardon sa mga nakakulong na mga Filipino kan December 26,2024 asin huli sa natatanging pagkakaibigan kan duwang nasyon.
Resulta man ini sa nagin ulay ninda Presidente Ferdinand Marcos Jr asin His Highness Sheikh Mohamed Bin Zayed Al Nahyan, Presidente kan United Arab Emirates kan bulan nin Nobyembre kan nakalihis na taon.
Sa presente, pigpo-proseso na kan Department of Foreign Affairs asin kan Philippine Embassy sa Abu Dhabi an documentary asin administrative requirements para sa pagbweltad sa nasyon kan mga na pardon na Filipino sa UAE.
An mga na pardoned na Pinoy an nakakulong huli sa manlaen-laen na pagbalgar.
Kan Hunyo 2024 nasa kabilogang 143 Filipinos an nakulong sa UAE asin tinawan nin pardon huli sa pagselebrar kan Eid al-Adha.
