NAGA CITY-Pigheras kan Philippine Amusement and Gaming Corp. (PAGCOR) na poco mas o menos 255 nin mga POGOs an saindang pigkanselar asin pighalean nin lisensya tangani na maka-operar kan Setyembre 2023.
Pangenot na rason an pagkakaimbwelto kan mga ini sa kriminal na aktibidades.
Sigun ki Alejandro Tengco, PAGCOR chairman and chief executive officer, kan ini magtukaw komo Chairman asin CEO kan PAGCOR poco mas o menos 298 licenses kan POGO an kapot ninda.
Makalihis an saindang pag-aadal, naaraman ninda na kadaklan sa mga ini dai nag-ooperar komo overseas gaming.
Kabali soboot sa mga ilegal kaining pigsasagibo an credit card fraud, investment fraud, cryptocurrency fraud, love match, asin love scam fraud.
Marurumduman na nagpautob nin mga reporma si Tengco sa offshore gaming sector kan nakaaging taon tangani na haleon an mga operator na imbwelto sa mga aktibidades na dai pig-sanction kan PAGCOR.
