27 Barkong Tsino, Namonitor sa West Philippine Sea – AFP

Namonitor kan Armed Forces of the Philippines an 27 barkong Tsino sa nagkapirang parte kan West Philippine Sea poon Setyembre 1

sagkod 7.

Segun ki AFP spokesperson para sa WPS Rear Admiral Roy Vincent Trinidad, kabali sa mga namonitor an mga barko kan Chinese Navy o People’s Liberation Army Navy asin China Coast Guard.

Sa Ayungin Shoal, sarong PLAN vessel asin apat na CCG vessels an namonitor; sa Bajo de Masinloc, apat na PLAN asin 10 CCG vessels; mantang tolong PLAN asin tolong CCG vessels man an nahiling sa Escoda Shoal. Duwang China Coast Guard vessels man an namonitor sa Pag-asa Islands.

Padagos an tensyon sa West Philippine Sea huli sa mahiwas na pag-aako kan China sa South China Sea, kabali an mga parte na inaako kan Pilipinas.