Nagpakol sa 28 katawo an binawian nin buhay kabali na an mga kaakian asin kababaihan, sa Israeli air strikes kan nakalihis na Sabado sa Gaza, sigun sa lokal na civil defense agency.
Pigpahayag kan militar kan Israel na an pag-atake an kasimbagan sa soboot pagbalgar kan Hamas sa ceasefire.
Sigun sa civil defense agency, na na nagre-representar sa Hamas, kabali sa mga narekober na lawas an sarong senior citizen, apat na babaeng pulis, asin nagkapirang sibilyan.
Kadakol pa an nawawara sa irarom kan mga nagrasay na estruktura.
Saro pa soboot sa mga pigtarget an police station sa Sheikh Radwan district kan Gaza City, kun saen pitong tawo an binawian nin buhay sa insidente, kabali na an apat na babaeng pulis.
Kasabay kaini, saro pang Israeli air strike an nagtama sa sarong shelter sa Al-Mawasi, timog Gaza, kun saen nakaistar an ribo-ribong displaced na pamilya sa mga tent asin improvised shelter.
Napalibutan nin mahibog na a-so an lugar asin dae pa sierto an numero kan binawian nin buhay sa pag-atake.
