Ipigpaliwanag kan sarong abogado asin dating law dean na naggana an sistema kan ley kan magbalik sa plenaryo an Senado makalihis an duwang aldaw na mayong sesyon.
Sa sarong Facebook post ni dating Far Eastern University law school dean Atty. Mel Sta. Maria, pigsabi niya na an nangyari suudma sa halangkaw na katiripunan nin Kongreso, na pig-atendiran kang bilog na minorya asin saro hali sa majority bloc, sarong patotoo na pwedesir gamiton an disenyo kan Konstitusyon asin panuntunan kan Kamara ta nganing pugulan na maging paralisado an sistema.
Alagad pigtawan-doon niya digdi na mas naging posible sana ini kan mag-atendir si Senate Majority member Chiz Escudero, na suboot nagpundo sa ‘gridlock’ kan duwang bloc. Nag-atendir an lehislador sa ikatulong sesyon kan Senado ngunyan na Miyerkules, Hunyo 3, bagay na ipigtutukdong nagpundo sa pagkaparalisa kaini nin huli ta mayo an mayorya sa enot na duwang aldaw kun kaya dai mabilog an quorum.
Sa pag-abot ni Escudero sa plenaryo, pinunan an sesyon miyembro an bilog na minorya asin pigdeklarar kan presiding officer na si Sen. Sherwin Gatchalian na igwa nang quorum.
Pig-apod ni Sta. Maria an grupo ni Senate President Alan Peter Cayetano komo an bagong minorya. Nin huli kaya sa pagkakaaresto ni Sen. Jinggoy Estrada sa salang plunder asin sa pagtakas ni Sen. Ronald Dela Rosa hali sa Senate protective custody, an bloc na ni Gatchalian an pigbibistong mayorya nin huli ta mas diit na sa grupo ninda Cayetano an igwang kapasidad na mag-atendir nin sesyon sa ngunyan.
Dugang pa kan dating dekano, urog pang nagin lehitimo an liderato sa irarom ni Gatchalian kan bation asin bistaduhon iniyo kan sangay nin ehekutibo sa paagi ni Palace Press Officer Atty. Claire Castro.
Marurumduman na ginibong basehan an quorum sa desisyon kan Korte Suprema taong 1949 sa kaso ninda Avelino vs. Cuenco, kun sain pigbisto kan Halangkaw na Korte an ‘constitutional majority’ makalihis mag-atendir sa plenaryo an 12 sanang miyembro kaini.
Para kay Sta. Maria, malinaw na mapadagos na an trabaho kan Senado makalihis an nasambitang lakdang kan dating minorya.
