Nagtao nin komento an dating senador na si Richard Gordon manungod sa liderato kan Senado sa irarom ni Alan Peter Cayetano komo presidente kaini.
Segun sa 80-anyos na dating lehislador, garo suboot nalingaw na si Cayetano sa saiyang sadiring paninindogan kun sain kaiba sa saiyang mandato sa mga tawong nagboto saiya asin saiyang pigrerepresenta.
Katakod kaini, nangapodan si Gordon na magbaba na sa puwesto an senate president nin huli sa mga pangyayari sa Senado. Sa irarom kan liderato ni Cayetano, nanotaran an nagkapirang kaguluhan asin an suboot pag-boycott kan Majority bloc sa paagi kan dai paglaog hasta ikatulong aldaw nin plenary session kan Miyerkules, Hunyo 3.
Dugang pa ni Gordon, saro siya sa haloy nang nagpapabutas kay Cayetano sa pagka-Senate President limang aldaw na an nakakaagi. Para saiya, oras na ta nganing magpili an Senado nin bagong liderato ta nganing mapadagos an mga mandato kaini komo lehislatura asin impeachment court.
Pigtutukdo kaya an mga pangyayari sa Senado ta nganing dai matukawan kan bilog kaini an mga dapat gibuhon, na segun kay Gordon nakakaapektar na sa integridad kan bilog na Senado.
Marurumduman man na nagin laog kan bareta an sitwasyon kan halangkaw na katiripunan kan Kongreso puon kan magtukaw ini komo lider kan Senado ma-apat na semana na an nakaagi. Puon kaini, dai na matapos an mga pangyayari asin urulayan manungod sa Senado, bagay na nagsirbing concern sa publiko magin sa Malakanyang.
Mantang ngunyan, si Cayetano pa man nanggad an pigbibistong Senate President ta kaipuhan suboot nin 13 boto ta nganing ribayan siya.
