Nagsakat na sa 28 numero an mga binawian nin buhay sa heat-related illnesses huli sa nagpapadagos na heat wave sa South Korea.
Dugang pa kaini, nairehistro kan pa Korea Disease Control and Prevention Agency (KDCA) an kabilugang 3,019 heat-related cases hasta kan nakalihis na Miyerkules, kun saen an monitoring an pigpuunan kan Mayo 20.
Marka ini kan ikaduwang pinakahalangkaw na numero kan mga kasong nairehistro sunod sa 4,526 kaso na naikurit kan 2018.
Nalampasan kan numero ngunyan an 2,818 kaso na nairehistro puon Mayo 20 hasta Setyembre 30 kan nakalihis na taon.
Mientrastanto, pigsaysay man kan Korea Meteorological Administration na an heat wave an posibleng magdurar hasta sa pagpuon kan Setyembre.
