NAGA CITY – Mas naglobo pa an numero kan mga pasaherong nagsapo nin lugad sa nangyaring salpukan kan pampasaherong bus asin truck sa Sta. Catalina, Atimonan, Quezon.
Sa nakuang impormasyon kan Bombo Radyo Naga ki P/CMS Warren Macawili kan Atimonan-PNP, sinaysay kaini na tolo katao an binawian nin buhay sa insidente mantang 76 na iba pa an nairidu.
Sigon ki Macawili, saro sa nagadan an pasahero kan bus mantang an duwa naman an lunad kan truck.
Sa ngunian, nagtitinir na sa kustodiya kan kapulisan an driver kan bus mantang basado soboot sa salaysay kaini, nawaran siya nin kontrol sa minamanehong lunadan.
Napag-araman na pasiring sa Bicol an nasambitan ng bus kan makabangga ini sa kasabatan na truck.
Sa ngunian, nagpapadagos pa an imbestigasyon kan mga otoridad dapit sa nasambitan ng pangyayari mantang nagtitinir man sa ospital an mga iridung pasahero.
