Binawian nin buhay an tolong indibidwal makalihis an nangyaring pambabadil sa Sweden.
Nangyari an nasambitan ng insidente sa sarong hair salon sa Uppsala City.
Katakod kaini, marekas man na nagdulag an suspek lunadan kan saiyang motorsiklo makalihis an insidente.
Mientrastanto, pigkordon man kan mga otoridad an lugar magin an trains system an saindang pigpauntok an operasyon tanganing dae magamit kan suspek.
Advertisement
Enot naman na pigsaysay kan Swedish police na kan nagbaba an numero kan shooting incident sa saindang nasyon kun ikukumparar kan nakalihis na 2024.
Sa ngunyan, padagos na pig-aaram pa kan mga otoridad an motibo sa pambabadil kun saen nangyari ini sa bisperas kan Walpurgis spring festival na pigdarayo man kan mga turista.
Advertisement
