Dagusan nang pigsibak ni Department of Public Works and Highways o DPWH Sec. Vince Dizon sa serbisyo an tolong opisyal kan DPWH Bulacan 1st District Engineering Office.
Ini sinda dating assistant district Engineer Brice Ericson Hernandez, Construction Section Chief Jaypee Mendoza, asin accountant na si Juanito Mendoza.
Sa desisyong pigpaluwas kan sekretaryo nguyan na Lunes, September 15, 2025, napatotoohan na guilty as charged nin Disloyalty to the Republic of the Philippines and to the Filipino People, Grave Misconduct, Gross Neglect in the Performance of Duty, and Conduct Prejudicial to the Interest of Service an tolo.
An dismissal sa mga nasambitan ng indibidwal an kasimbagan sa kasuguan ni Presidente Ferdinand Marcos Jr., na panimbagon sa orog na marekas na panahon an siisay man na direktang igwang kinaaraman sa maanomalyang flood control projects sa Bulacan.
An mga sinibak sa serbisyo an pigpatawan nin perpetual disqualification to hold public office o dae na sinda nuarin man pwedeng magkapot nin anuman na posisyon sa gobierno.
Basado pa sa desisyon, an padusang dismissal an suhay pa sa mga kasong isusunad sa mga nasambitan ng tolong opisyal.
