Ipinagsugo kan National Police Commission (NAPOLCOM) an tulos na paghale sa pwesto kan pulis kasunod kan pagkagadan kan saiyang agom asin aki.
Segun sa NAPOLCOM, si Police Senior Master Sergeant John L. Mollenido an responsable sa dai maninigong desisyon sa pag-asikaso kan bangkay kan saiyang agom na si Police Senior Master Sergeant Diane Marie Mollenido asin kan saindang walong taon na aki.
An duwa ginadan kan Enero asin itinapok an saindang mga bangkay sa manlaen-laen na lugar sa Bulacan asin Tarlac.
Dawa ngani padagos an imbestigasyon kan mga awtoridad, nagdesisyon si Mollenido na tulos na i-cremate an mga labi kan saiyang agom asin aki.
Sinabi man kan NAPOLCOM na an lakdang na ini katumbas sa obstruction of justice kabali na an pag-tamper kan mga ebidensya.
Nanindugan si Vice Chairman asin Executive Officer Ralph Calinisan na huli sa grabidad kan ginibo ni Mollenido, an magkakanigong kastigo iyo an pagpahale sa saiyang pwesto.
