Inasegurar kan International Criminal Court (ICC) na magigin patas, impartial asin independent an saindang paglitis ki dating Presidente Rodrigo Duterte.
Segun sa tagapagtaram kan ICC na si Oriane Maillet, tinawan ninda nin maninigong panahon an defense team kan dating presidente para sa nagdadangadang na hearing sa crimes against humanity.
Ipinaliwanag pa kaini na an pagdangog kan ICC magigin mahiwas, mas halawig kaysa sa nationa level.
An klase kan krimen nangangaipo nin kadakol na ebidensya na ipresentar sa korte asin kadakol na mga angat na dapat atubangon sa laog kan paglilitis.
Magigirumduman na kan Abril 23, kinumpirmar kan ICC Pre-Trial Chamber an crimes against humanity laban ki Duterte.
An confirmation sa estado gigibohon sa Mayo 27 kan Trial Chamber III.
Idinugang pa kaini na itatao ninda sa mga huwes sa paglilitis an pagbugtak kan iskedyul para sa pagbukas kan paglilitis base sa mga isinumitir kan mga partido sa kaso.
Ipapaluwas sa publiko an hearing kun saen pwede ining hilingon nin live online.
