Nakatalaan an Apat na testigo na magtindog sa padagos na paglilitis sa Impeachment laban ki Bise Presidente Sara Duterte sa Agosto 10, 11, asin 12, 2026.
Kabale digdi si Xylene May del Campo, Supervising Auditor hale sa Commission on Audit–Intelligence and Confidential Funds Audit Office (COA-ICFAO) na nagtetestigo man kasuudam aldaw nin Miyerkules. Ini aapodon tanganing magtestigo sa Article I, na nagtutukar kan soboot salang paggamit asin mga iregularidad sa liquidation kan ₱612.5 milyon na Confidential Funds kan Office of the Vice President (OVP) asin kan Departament of Education (DepEd).
Yaon man sa witness stand si Marivic Pareja, an pamayo o hepe kan House Archives. Ini an maatendir tanganing ipresentar asin sertipikaron an mga opisyal na dokumento asin rekord na kapot kan Kamara na may relasyon sa kaso.
Siring man si Gina Acosta, dating Special Disbursing Officer kan Office of the Vice President (OVP). Ini man nadestino na mag-asikaso asin mag-disburse nin pondo sa irarom kan direksyon ni VP Sara asin Edward Fajarda, dating Special Disbursing Officer kan Department of Education (DepEd). Ini an responsable sa pagdisburse asin pagdistribwir kan Confidential Funds kan si Duterte pa an Secretary of Education.
An Trial Presiding Officer nagsugo na mag-isyu nin mga subpoena sa mga nasambit na testigo kan prosekusyon tanganing mag-atender sa Impeachment Trial sa masunod na semana.
An paglilitis mabalik sa Lunes, Agosto 10, alas 10 nin aga.
