Nagadan an nasa 426 na kaso nin rabies sa bilog na taon kan 2024, sigun sa Department of Health (DOH).
“Lahat sa kasong ito ay namatay. Patunay na ang rabies ay 100% fatal. 45% o halos kalahati sa mga kasong ito’y dahil sa kagat ng alagang hayop,” pahayag kan DOH sa saindang Facebook post.
Gikan sa 235 kasong naikurit kan 2020 haros nadoble ini sa numero na 426 paglaog kan 2024.
An rabies an nakakagadan na viral infection na nakakaapektar sa utak, na naggikan sa kagat, kalmot asin laway kan infected na hayop.
Huli digdi, liwat nagpagirumdom an DOH na pabakunahan an ataman na hayop taun-taon.
Dae man soboot pakaputan o ranihan an dae bistadong hayop asin enkaso makagat o makalmot, tulos na magpasiring sa mga Animal Bite Treatment Centers sa saindong lugar.
An mga sintomas man kini sa tawo an kalintura, pangungulog nin payo, pamamaga, pamamanhid kan lugad, takot sa tubig asin duros, pagkabalisa, pagbabago sa pag-iisip o mood changes asin pagkaparalisa. Mantang an senyales man kan rabies sa hayop an pagbabago sa ugali, pagigin agresibo, labing na paglalaway, pagkaparalisa asin pagkatakot sa tubig.
