Presenteng naka-heightened alert an gabos kan 44 palupadan na pig-ooperate kan Civil Aviation Authority of the Philippines (CAAP) sa tahaw kan maraot na panahon dara kan bagyong Crising.
Katakod kaini, pigsugo na ni CAAP Director General Lt. Gen. Raul del Rosario an gabos kan area asin airport managers sa mga rehiyong posibleng maapektaran kan raot kan panahon, na i-activate an saindang Airport Emergency Plans nin mayong pagkaantala asin masusing makipag-koordinar sa Local Disaster Risk Reduction and Management Councils, airline operators asin iba pang airport stakeholders tanganing masierto an kasalbaduhan kan mga pasahero, pasilidad, asin padagos na kapreparaduhan sa operasyon.
Ginibo an nasambitan ng lakdang alinsunod na man sa direktiba ni Presidente Ferdinand Marcos Jr. asin Transportation Sec. Vince Dizon na siertuhon an kasalbaduhan kan publiko asin mantiniron an mayong pagkaantalang mga serbisyo sa transportasyon sa kasagsagan kan pagbayo kan marapt na kamugtakan kan panahon.
Sa ngunyan, puspusan na man an pigsasagibong pagpepreparar kan Bicol Region na igwang mga lugar na pinakaapektado kan bagyong Crising partikularmente na sa mga palupadan sa Legazpi, Naga, Virac asin Masbate.
Naenot ng pigreport kan state weather bureau na bahagyang nagkusog an bagyo mantang padsgos ining naghihiro pa-hilagang kanlurang direksiyon sa silangan na parteng kadagatan kan Bico Region.
