Sarong soboot confidential agent kan National Bureau of Investigation (NBI) an inarestar makalihis an insidente nin badil sa laog kan senado kasubanggi, segun ki Senador Imee Marcos.
Inaresto an indibidwal makalihis suboot na kuanon an sarong taktikal na bag na nawalat sa ikaduwang eskalon na hagyanan kan edipisyo kan Senado, kun saen nadangog an mga putok nin badil.
Dae pa pigluluwas an pagkakabisto kan pigtutubudang NBI personnel asin kun sisay talaga an nagdakop saiya.
Alagad, nanindugan an Senador na sinabi suboot kan indibidwal sa saiyang amo na sarong “Atty.Bomediano” kan NBI-Organized and Transnational Crime Division (NBI-OTCD).
Idinagdag pa kan suboot ahente na suboot an saiyang superior an nagsugo kan operasyon na may relasyon sa pagdakop ki Senador Ronald “Bato” dela Rosa, na nahahampang sa mandamiento de aresto hale sa International Criminal Court (ICC).
Pig-enkaminar ni Senator Imee Marcos si Bomediano na magpaliwanag dapit sa nangyaring kariribokan sa senado, na natapos sa lockdown asin putok nin badil.
Mientrastanto, enot nang pinahimutikan ni NBI Director Melvin Matibag na mayong ipinadarang personahes an NBI sa senado kontra sa pahayag kan senador.
Dugang pa kan sobot agent na an saiyang superior iyo an naglansar kan operasyon katakod kan pagkadakop ki Senator Ronald “Bato” dela Rosa, na nahahampang sa mandamiento de aresto hale sa International Criminal Court (ICC).
