Gadan an sarong pulis sa New York asin 4 na iba pang sibilyan makalihis na mag-amok an sarong lalaki sa Midtown Manhattan gamit an AR-style rifle kun saen dosena an naireport na nalugadan sa insidente.
Nangyari an pambabadil sa sarong edificio sa midtown Manhattan na pigdadagusan kan darakulang opsiyal sa financial firms kan nakalihis na Lunes nin bangi oras sa Amerika.
Sigun sa report, igwang sulot na bulletproof vest an suspek asin nagbarikada ini sa laog kan edificio na makukua sa 345 Park Avenue, antes na dagusang na-neutralize” kan mga otoridad.
Pigbisto kan pulisya an suspek komo sarong 27-anyos na lalaki gikan sa Las Vegas.
Napag-araman na nadukayang mayo na nin buhay an suspek sa laog kan edificio makalihis soboot na maghugot.
Pigkumpirmar man ni Mayor Eric Adams na kadakol an nalugadan huli sa pambabadil mantang pigsaysay man kan New York Police District Commissioner na kontrolado na ninda an sitwasyon.
Nagsimbag naman an FBI tanganing magtabang mantang nagpapadagos an imbestigasyon kun saen dae pa malinaw an motibo kan pambabadil.
