Limang (5) katawo an nagadan matapos na masulo an pampasaherong barko na MV June Aster sa kadagatan kan Coron, Palawan.
Segun ki Philippine Coast Guard (PCG) spokesperson Commodore Noemi Cayabyab, 42 katawo an saindang nasalbar hale sa nasulong barko.
Dinara na an mga ini sa covered court kan Barangay Turda.
Base sa inisyal na imbestigasyon, igwang sakay na 117 pasahero asin 17 crew members an barko.
Advertisement
Hale sa pantalan kan Maynila an barko asin pasiring kuta ini sa Coron, Palawan kan mangyari an insidente kan mga 6:45 nin banggi kan Miyerkules, Setyembre 9.
Padagos an ginigibong imbestigasyon kan mga otoridad kun sain inaagapan na man kan PCG an posibilidad nin oil spill sa nasabing lugar.
Advertisement
