5 gadan sa kasulo sa residential building sa Kuwait

Gadan na kan maabotan kan bombero an limang tawo sa sarong residential building sa Rigga, Kuwait makalihis matumtom kan kalayo an saindang pighaharongan sigun sa Gulf state’s fire brigade kan Dominggo.

Sigun ki Brigadier General Mohammed al-Gharib, tagapagtaram kan bombero, na an kasulo nagbungkaras sa duwang apartment sa lugar.

Tolong bangkay an nakua sa lugar, mantang an duwa pa nagadan huli sa saindang mga lugad sa ospital.

Nagkapirang tawo man an nairido, asin si Gharib nagpatanid na an numero kan mga binawian nin buhay an posibleng pang maglangkaw huli sa grabeng lugad na pigsapo kan pirang mga biktima

Sa ngunyan, nagpapadagos pa an imbestigasyon para maaraman kun ano an kawsa kan kasulo.