NAGA CITY– Nagpaparahay pa an mag-ina mantang dae na naisalba pa an buhay kan saro pang aki makalihis tamaan nin kikilat sa Barangay San Roque Madawon, Nabua Camarines Sur.
Sa nakuang impormasyon kan Bombo Radyo Naga sa Camarines Sur Police Provincial Office (CSPPO), napag-araman na mantang nasa laog kan saindang kubo an mag-iinang sinda Angelica Tormes,29-anyos asin an 6-anyos asin 13-anyos na aki kan biglang nagbulos an makusog na ulan.
Hasta sa bigla na sanang tinamaan an mga biktima nin kikilat na tulos man na idinalagan sa ospital alagad idineklarar nang dead on arrival kan mga doktor an 6-anyos na aki.
Sa ngonian nagpapadagos pa an imbestigasyon kan mga otoridad manungod sa nasambitan ng insidente.
